#CaruCelf – Tegwen Morris
#CaruCelf / Casgliadau / Collections / Newyddion a Digwyddiadau - Postiwyd 10-01-2018
Tegwen Morris, Cyfarwyddwraig Cenedlaethol Merched y Wawr sy’n cymryd rhan yn ymgyrch #CaruCelf y mis hwn. Mae wedi dewis View of Aberystwyth Harbour 1944 gan Eric Beardsworth 1881 – 1961 fel ei thrydydd dewis.
Dwi wir yn hoffi’r darlun hyfryd yma, sy’n dangos cynifer o wahanol elfennau. Prin fod y darlun wedi newid hyd heddiw – y cychod, y mynyddoedd a’r harbwr hyfryd yn Aberystwyth. Dyma le dwi’n cerdded iddo yn aml – ac mae yna rhywbeth gwahanol i’w weld bob dydd – y cychod pysgota yn dod i’r lan, y stormydd mawrion yn hyrddio’r d?r dros bob man a’r teuluoedd yn ceisio dal crancod. Beth dwi wir yn hoffi yn y darlun yma ydyw’r dillad gwynion yn sychu ym mlaen y llun ar y lein ddillad. Fel merch y mynydd sydd bellach yn byw ger y môr mae’r llun yma yn dangos y cyfuniad perffaith.
I ddysgu mwy am waith a chasgliadau’r Llyfrgell beth am danysgrifio yn y golofn ar y dde.
Mae'r cofnod hwn hefyd ar gael yn: English