Blog

Postiwyd - 19-08-2015

Casgliadau / Digido / Digitisation

Rhannu Miloedd o ddelweddau Tirlun Cymru efo Wicipedia

Sawl blwyddyn yn ôl digidodd y Llyfrgell Genedlaethol Cymru tua phum mil o beintiadau, brasluniau, engrafiadau a phrintiau o dirlun Cymru yn dyddio yn bennaf o 1750-1850.

Mae llawer o’r rhain yn gynrychioliadau topograffig manwl sydd o werth mawr i haneswyr, cadwraethwyr ac archeolegwyr, tra bod eraill yn weithiau artistig rhamantaidd sy’n cyfleu harddwch y tirlun ac agweddau o fywyd Cymreig yn y cyfnod cyn dyfodiad y camera.

Fel Wicipediwr Preswyl, roedd gwneud y casgliad hwn ar gael i Wicipedwyr yn un o fy mlaenoriaethau cyntaf, ac erbyn hyn mae’r casgliad cyfan yn cael ei ryddhau i’r parth cyhoeddus a’i lwytho i Wikimedia Commons.

Mae rhai o’r delweddau gwych o gestyll, strydoedd mawr, eglwysi, adfeilion, a mwy, eisoes wedi cael eu hychwanegu at erthyglau Wicipedia.

Bydd digwyddiadau yn cael eu cynnal cyn bo hir i wneud mwy o ddefnydd o’r delweddau hyn ar Wicipedia er mwyn cyfoethogi hanes Cymru ar y gwyddoniadur mwyaf yn y byd.

Porwch trwy’r delweddau yma ac os oes gennych ddiddordeb ein cynorthwyo trwy ychwanegu’r delweddau hyn i Wikipedia, buasem yn falch o glywed gennych.

Aberystwyth Harbour, c.1850

Harbwr Aberystwyth, tua1850

A_plan_&_view_of_a_chain_bridge_-_erecting_over_the_menai_at_Bangor_Ferry_1820

Cynllun o’r bont gyntaf i gysylltu Ynys Môn efo gweddill y Wlad. 1820.

Tagiau: , ,

Comments are closed.

Categorïau

Chwilio

Archives

Cefndir y blog

Blog i gyflwyno gwaith a chasgliadau Llyfrgell Genedlaethol Cymru.

Yn sgil natur bersonol blogiau, polisi'r Llyfrgell yw cyhoeddi postiadau yn yr iaith wreiddiol yn unig. Cyhoeddir yr un faint o bostiadau yn y ddwy iaith, ond nid yr un blogiau ydynt. Am gyfieithiad bras gellir darllen y blog drwy ddefnyddio system gyfieithu megis Google Translate.

Cefndir y blog